As pistas barquenses de atletismo de Calabagueiros enchíanse de atletas de diferentes puntos de Galicia xa dende primeira hora deste sábado. Un total de 640 participantes de 21 equipos, entre eles o Adas Cupa do Barco, afrontan nesta xornada de 14 de maio o Campionato de Galicia por clubs das categorías base (Sub10, Sub12 e Sub14).
Así, pola maña disputábanse as probas das categorías Sub10 e Sub12, deixando ata tres podios no Club Adas Cupa, que contaba entre as súas filas con atletas das Escolas Deportivas de Trives e da Rúa. Así, facíase co ouro en Sub10 feminino e coa prata en Sub10 masculino, xunto con outro ouro en Sub12 masculino.
Coa entrega de premios, na que participaban representantes da Delegación Valdeorresa de Atletismo e o concelleiro de Deportes do Barco, Aurentino Alonso, finalizaba a xornada competitivda de mañá. Pola tarde continuarase co Campionato de Galicia Sub14, no que o Adas podería sumar algún podio máis.
Fotos: Carlos G. Hervella/ A.R.
Podios Campionato de Galicia por equipos Sub10 e Sub12
Sub10 masculino
Sub10 feminino
Sub12 masculino
Sub12 feminino
