2 ouros e 1 prata para o Adas no galego de clubs Sub10 e Sub12

Esta competición autonómica de atletismo celebrábase na mañá deste 17 de maio nas pistas barquenses de Calabagueiros. Pola tarde será o galego Sub14

Excelente actuación valdeorresa no Campionato de Galicia de Clubs Sub10 e Sub12 que se desenvolvía ao longo da mañá do 17 de maio nas pistas barquenses de Calabagueiros coa presenza de centos de atletas chegados de diferentes puntos da comunidade.  O Club Adas, de cuxos equipos tamén formaban parte atletas das escolas municipais de Trives, conquistaba dous ouros e unha prata nesta cita.

A competición finalizaba coas probas de relevos masculinos e femininos e, de seguido, dábase paso á entrega de premios. Os primeiros en subirse ao podio eran os equipos Sub10 masculinos, categoría na que competían dez clubs galegos. Neste caso, o título autonómico era para o Adas, sendo segundo o Club Ourense Atletismo e o terceiro o C. Deportivo Pinarium. Na Sub10 feminina (con 7 clubs), había tamén medalla para as valdeorresas, que desta volta era a de prata, sendo o ouro para Sada e o bronce para C.A. Franciscanos de Lugo.

Xa na categoría Sub12 masculina (con 12 equipos en competición) o Adas volvía ser novamente o mellor club galego, cun total de 95 puntos, seguido do Atletismo Fontes do Sar (78 puntos) e do A. Silva (67). Na categoría Sub12 feminina (con 14 equipos), quedaba na sétima posición, sendo o ouro para o Ourense Atletismo con 93 puntos.

A competición seguirá pola tarde en Calabagueiros co Campionato de Galicia de atletismo Sub14.

Fotos: A.R.
Máis información e fotos:
https://www.osil.info/o-equipo-feminino-do-adas-roza-o-podio-no-galego-sub14/

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies