Novamente repítense as cifras de hospitalizados con coronavirus no Hospital de Valdeorras. Por cuarto día consecutivo, son dous os pacientes ingresados en planta, segundo a última actualización de datos da Consellería de Sanidade.
No caso do Hospital de Verín segue habendo un ingreso en planta, mentres que no Hospital Universitario de Ourense son 10 os pacientes ingresados en planta e non se rexistran positivos en UCI.
Dos 107 casos activos hoxe na Área Sanitaria de Ourense, Verín e O Barco de Valdeorras, 94 permanecen a seguemento a domicilio e 13 están ingresados en planta, segundo Sanidade.
O total de casos rexistrados na provincia ascenden a 1.995, con 1.757 curados e 131 falecementos (residencias e hospitais). Ademais lévanse realizado 19.785 probas PCR.
