Despois dun tempo cos motores parados por culpa das restricións, os afeccionados ao motociclimo regresan á competición.
Así o facían os deportistas barquenses, Diego Teixeira Fernández e Jorge Paradelo Rodríguez, dous dos preto de 180 inscritos na carreira de cross country elite do Campionato de Castela e León, disputada o pasado 27 de marzo en Igüeña (León).
Tal como explica o propio Diego, foi unha proba con “moito, moito polvo” e con 50 motos á vez na parrillade saída entre os que estaban el e Paradelo loitando entre os dez primeiros. Foron dúas horas de carreira sen parar e finalmente, Jorge Paradelo facíase coa vitoria mentres que Diego quedaba na 8ª posición.
A seguinte cita para os barquenses será xa na Liga Galega da Moto de Campo que comeza este domingo 11 de abril, cunha carreira de enduro social federado, en Piñor (Ourense).
