Nin máis nin menos que en Carbonero el Mayor (Segovia) arrancaba esta fin de semana a tempada o club ciclista Tres Lunas Valdeorras. E facíao da mellor forma posible, con dous podios e un cuarto posto na primeira proba do Circuíto Conway 101 Iron Bike.
O xefe de filas, o vigués Brandan Márquez nunca decepciona e lograba o segundo posto na categoría máster 35 cun tempo de 3:07:57, só tres minutos máis que o primeiro. Nesa mesma categoría, o seu compañeiro de equipo, Jorge Lorenzo Balsa, era cuarto. E na categoría máster 55, Tito Constantino subía ao alto do podio cun tempo de 3:46:26.
A segunda cita do circuíto será o 14 de marzo en La Adrada (Ávila).
