O Concello de Pobra de Trives vén de informar de que no municipio son 2 os positivos por Covid existentes nestes momentos. “Estamos á espera dos resultados dos contactos aos que se lles está a facer o pertinente seguemento”, segundo esta administración local.
O total de contaxios actualmente no PAC de Trives é de 4, 2 no municipio de Trives e 2 no de Manzaneda. “Hai que ser moi conscientes de que a pandemia non desapareceu e que se deben tomar sempre todas as medidas preventivas pois noutro caso estaremos a por en risco aos demais”, insisten dende o Concello de Trives, recordando tamén a importancia do “emprego de máscara se non se cumpre a distancia de polo menos 1,5m e sempre en interiores, hixiene, desinfección…e cumprimento das normas preventivas”.
