Algo máis de 3 horas e 23 minutos empregaba Lois Rodríguez Boga para completar os 33,2 quilómetros do trail longo, proclamándose vencedor por escasos dous segundos do III Gran Premio de Montaña da Rúa. O segundo clasificado foi Adrián Rodríguez Díaz e terceiro, xa a seis minutos, o valdeorrés Raúl Delgado Cerejido do Club Kirlo.
Con respecto ao trail curto, foi outro valdeorrés o máis rápido. Jesús Rodríguez León do Club Fluvial Barco entraba en meta despois de percorrer os 15 quilómetros de rigor nun tempo de 1:44:15.843. O segundo clasificado foi Tomás Díaz Fernández e o terceiro Brais Fernández Martínez.
A participación nesta terceira edición da proba organizada polo Club Atletismo Rúa, completábana os 47 andarines que percorreron outros 15 quilómetros polos montes da localidade.
Fotos: Carlos G. Hervella e Club Atletismo Rúa.
