OurenseÚltima hora

Dúas fusaiolas do Castro de San Cibrao de Las, “Peza do mes” do Museo Arqueolóxico de Ourense

A súa presentación correrá a cargo de Vicente Rodríguez Gracia e terá lugar o 9 de outubro na sala da exposición “Escolma de Escultura”

Fusaiolas do Castro de San Cibrao de Las (San Amaro-Punxín)./ Foto: Fernando del Río.

 

As fusaiolas son obxectos que se coñecen no noroeste xa dende o Megalítico. Trátase de “pezas de diferentes materiais, de forma máis ou menos circular, aplanadas, cunha perforación central, dun diámetro entre 2-10 cm, decoradas ou non”, segundo a definición que Vicente Rodríguez Gracia recolle na publicación sobre a “Peza do mes” do Museo Arqueolóxico Provincial de Ourense, que neste outubro está dedicada a dúas fusaiolas, modeladas en arxila e decoradas, atopadas nunha das vivendas do Castro de San Cibrao de Las (San Amaro-Punxín) no 2003.

A presentación desta “Peza do Mes”, que correrá a cargo de Vicente Rodríguez, está prevista para o mércores 9 de outubro ás 20h. na sala da exposición “Escolma de Escultura” en San Francisco (Ourense). Nela este investigador falará, entre outras cuestións, da función deste tipo de obxectos, ligados á industria téxtil “protohistórica e histórica”.

A abundancia de fusaiolas nun xacemento indica, segundo este investigador, “abundancia da actividade de fiar”. Usábanse “na parte inferior do fuso, para obter co seu peso unha rotación regular na fía manual. Así a función da peza era equilibrar o fuso (péndulo), manter a velocidade de rotación e soster o fiado”.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close