OurenseÚltima hora

Dúas nadadoras do Sincro Ourense, no top 30 alevín da Real Federación Española de Natación

Estela Ojea e Iria Fernández asistirán ao Campus Ránking 30 de Natación Artística Alevín

 

Facer un seguemento ás 20 mellores nadadoras na categoría alevín na pasada tempada e ás 10 mellores do ránking 2018/19, é o obxectivo do Campus Ránking 30 de Natación Artística Alevín organizado pola RFEN e dirixido por Ana Montero (Directora técnica de Natación Artística da RFEN), que contará coa presenza de catro nadadoras galegas, dúas delas do Club Sincro Ourense.

Así, Estela Ojea Vázquez e Iria Fernández Rodríguez estarán no top 30 alevín da RFEN, “unha porcentaxe máis que significativa nun ranking que ata o de agora viña sendo copado sistematicamente polos grandes clubs nacionais”, aseguran dende a federación galega.

Dende o club ourensán pola súa banda, explican que esta selección fíxose cos resultados do pasado campionato de España alevín de verán 1ª división no cal Estela quedou de 13 en figuras e Iria de 20. Ademais o só de Estela levouna ao posto 7 e o dúo con Iria subiunas ao posto 6. “Uns resultados históricos para o CNSO que agora dan os seus froitos, cunha magnífica oportunidade participando neste campus”, din orgullosos dende Ourense.

O campus celebrarase no Colexio Gredos San Diego en Buitrago de Lozoya (Madrid) do 28 ao 30 de decembro.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close