Os efectivos do GES de Maceda e os Bombeiros do Polígono de San Cibrao das Viñas liberaban na tarde de onte a dúas persoas, que sufrían un accidente de coche no municipio de Maceda, para que fosen atendidas polos servizos sanitarios, tal e como informa o 112 Galicia.
O accidente produciuse na OU-536, ao seu paso por Maceda, uns minutos antes das 20:15 horas.
O 112 Galicia recibiu a alerta do sinistro a través de Urxencias Sanitarias de Galicia-061 e, a partir de aí, desde o CIAE 112 Galicia solicitouse a intervención dos Bombeiros de San Cibrao das Viñas, do GES de Maceda, da Garda Civil de Tráfico e de Protección Civil.
