Pasadas as 9h. desta mañá producíase un accidente de tráfico na estrada OU-0703, que comunica Trives con Cova. Un vehículo saíase da vía e, como consecuencia do sinistro, resultaban feridas con carácter leve dúas persoas, segundo as primeiras informacións.
Ata o lugar do suceso desprazábanse de inmediato os profesionais de Urxencias Sanitarias 061, Protección Civil de Trives, Garda Civil Seprona e Garda Civil de Tráfico. As dúas persoas feridas foron trasladadas polo 061 para recibir atención sanitaria no Centro de Saúde.
Fotos: PC Trives.