Tres membros do club ArcoBarco subían ao podio no campionato galego de tiro con arco ao aire libre, celebrado esta fin de semana en Valdoviño (A Coruña).
Luis Rey e Martín Gómez lograban sendas medallas de prata nas modalidades de arco composto sénior e arco recurvo veterano, respectivamente. Para Rey esta era a súa primeira prata na modalidade. O cadete Taylor Murias pola súa banda, lograba unha meritoria medalla de bronce nunha categoría superior: a de júnior recurvo.
Santos Murias e Óscar Álvarez debutaban en competición de composto sénior logrando o 8º e 10º posto respectivamente, mentres José Manuel Fernández medalla de ouro nacional por equipos, lograba o 5º malia non chegar nas mellores condicións.
Máis información na vindeira edición en papel do Periódico O Sil
