EconomíaEconomíaGalerías de fotosÚltima horaViticultura

“É unha inxustiza que a relación do Tostado con Seadur non apareza nos documentos”

Aurelio Blanco Trincado, presidente do IEV, impartía nesta tarde de Xoves Santo unha conferencia sobre a tradición deste viño naturalmente doce en Valdeorras

Dende tempo inmemorial vense elaborando en Valdeorras Tostado, un tipo de viño naturalmente doce e moi aprezado. Sobre esta tradición falaba na tarde deste 18 de abril nun dos lugares especialmente vencellados con este viño, Seadur (Larouco), o presidente do Instituto de Estudios Valdeorreses (IEV), Aurelio Blanco Trincado. Impartía a conferencia “Seadur, o Tostado tradición secular. A Casa de Flórez” ante numerosas persoas nas antigas escolas desta localidade.

O ponente era presentado por Constantino González Rey, quen aseguraba que “o Tostado de Seadur tiña fama de ser o mellor de todos”. Indicía en que este “chamado viño de sobremesa ten unha gran tradición que se remonta a varios séculos, tradición que non se perdeu grazas aos nosos viticultores”.

A continuación, Aurelio Blanco Trincado, comezaba a súa conferencia sobre a tradición valdeorresa do Tostado apoiándose en diversas referencias históricas, documentos (entre eles algunha etiqueta de Tostado de mediados do século XIX) e botando man de testemuños orais, en especial no referido a Seadur. “Foi sempre unha inxustiza que Seadur non aparecese en documentos e que o seu viño non se tivese presentado en exposicións”, comentaba.

Segundo Blanco Trincado, está demostrado que “os tostados de Valdeorras están documentados moito antes que os do Ribeiro”. O conferenciante facía un “percorrido histórico, fixándonos nas medallas concedidas a adegas de Valdeorras dende 1771 e a asistencia ás grandes exposicións universais, como Barcelona, París, Londres, Bruxelas, etc.”. A súa intervención concluía analizando os vínculos do Pazo do Castro (O Barco) con Seadur, “onde tamén se elaboraba Tostado para o Pazo”.

Fotos: Carlos G. Hervella.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close