CulturaCulturaenBarcArteGalerías de fotosÚltima hora

“Eco-Folie”, unha chamada á concienciación ambiental na praza do Concello do Barco

Esta obra é unha das oito instalacións do 2º enBarcArte que poden verse nas rúas desta vila

 

Centos de latas de refrescos convértense en materia prima artística en “Eco-Folie”, a obra coa que Surya Namaskar, artista e activista vasca de 26 anos, participa no 2º Festival de Intalacións Artísticas no contexto urbano do Barco, enBarcArte, que se desenvolverá ata o vindeiro 29 de setembro.

 

Un dos laterais da instalación “Eco-Folie” de Surya Namaskar./ Foto: Jorge Barredo.

 

Esta obra, situada na praza do Concello do Barco, recrea un dos pavillóns que os aristrócratas do século XVIII construían nos seus xardíns e está concibida para ser utilizada polo público a modo de terraza cuberta, dentro da cal hai unha mesa e cadeiras para poder sentarte e tomar algo.

“Eco-Folie” xera a través dun singular “vocabulario visual (moi unido ao seu activismo a favor de diferentes causas)” un modo “simbólico de comunicación que cuestiona os protocolos e procedementos tradicionais”, destaca Jorge Barredo, curador de enBarcArte.

 

Outra imaxe da instalación./ Foto: Jorge Barredo.

 

Ademais a artista vasca deixa aberta a súa instalación para que sexa o público quen, coas súas aportacións de latas usadas, remate a composición da obra, facendo deste xeito unha chamada á concienciación medioambiental e implicando á sociedade nesta problemática. Boa parte das latas empregadas para elaborar esta obra foron aportadas pola cafetería barquense situada ao seu carón, La Placita.

Fotos da galería: Ángeles Rodríguez.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close