EconomíaEconomíaÚltima hora

Economía reúne aos clústers galegos

Na reunión co conselleiro estivo tamén resprentado o Clúster da Lousa
Reunión do conselleiro de Economía cos clústers galegos.
Reunión do conselleiro de Economía cos clústers galegos.

Dentro da rolda de contactos iniciada para consensuar a Axenda da Competitividade Industrial Galicia Industria 4.0, o conselleiro de Economía e Industria, Francisco Conde, mantiña unha reunión o 4 de febreiro cos representantes dos clústers galegos, entre eles o da lousa.

No decurso do centro puideron escoitarse e valorarse as principais achegas dos clústers, o conselleiro aludía á importancia desta axenda como un documento clave para o futuro de Galicia, “que aspira a configurar unha industria competitiva, diferenciada e xeradora de emprego de calidade”. De cara a acadar eses obxectivos, os clústers galegos están chamados a desempeñar un papel fundamental dado o seu coñecemento do entorno empresarial e a posibilidade de cooperación coa administración.

Nesta axenda apóstase polo equilibrio entre o reforzo dos sectores tradicionais e o impulso dos emerxentes, “ademais de pola hibridación multisectorial, que supón a interconexión de sectores distintos na procura de aproveitar as sinerxías entre eles para mellorar a súa competitividade no mercado global”, segundo Economía.

Co desenvolvemento desta Axenda, tal e como indicaba Conde, a Xunta aspira a modernizar a industria galega a través da innovación, establecendo novas fórmulas de produción que melloren a súa competitividade, e impulsando a fabricación de produtos diferenciados e de calidade.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close