CulturaCulturaGalerías de fotosMúsicaÚltima hora

Eladio y los Seres Queridos e Igloo protagonizan a I edición de Entre Salas, no Barco

As bandas viguesas actuaron, na noite do 8 de novembro, no Café Teatro Bajo 5 e na Sala Baranda

 

Dúas salas, dous grupos, dous concertos e unha noite. Son os ingredientes cos que se elaborou a primeira edición de Entre Salas, unha iniciativa novidosa de colaboración musical entre o café teatro Bajo 5 e a sala Baranda, que tiña lugar na noite do venres 8 de novembro no Barco de Valdeorras.

Os grupos protagonistas desta primeira experiencia foron Eladio y los Seres Queridos e Igloo, dúas bandas de Vigo que en solitario e tamén de forma conxunta, actuaron para o público valdeorrés. Ámbalas dúas bandas teñen tocado xa previamente no Barco pero era a primeira vez que o facían neste formato. Primeiro, en torno ás 23h. despois de cear, Igloo subíase ao escenario do Bajo 5 para interpretar algúns dos seus temas máis coñecidos, contando coa colaboración musical de Eladio e a súa formación. A seguinte cita, tiña lugar xa de madrugada na mítica sala de concertos Baranda.

 

Un momento da actuación de Igloo no café teatro Bajo 5.

 

Ahí era a banda de Eladio a protagonista do concerto co que despedían unha etapa de tres discos (Cantares, Historias de Caza e 15 años de canciones). “Haberá cambios substanciais e novo disco nuns meses”, di Eladio, adiantando que malia estar sen decidir o formato, teñen claro que será diferente ao habitual. “Imos arriscar un poco, improvisar e deixar voar as cancións”, asegura. No Barco presentaron un avance dese novo traballo saitá a comezos de decembro, contando no escenario coa colaboración de Igloo.

 

Eladio y los Seres Queridos na sala Baranda. 

 

As primeiras imaxes da galería corresponden ao concerto no café teatro Bajo 5 e as cinco últimas ao Baranda.

Fotos: Carlos G. Hervella e cedidas

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close