Será unha competición moi concurrida. Uns 300 atletas de 34 clubs diferentes están inscritos para participar na carreira de adultos da novena edición do Cross da Rúa, previsto para o mediodía do 15 de xaneiro no Aguillón. Será asemade a terceira cita do campionato galego de campo a través de veteranos, do Campionato provincial federado de campo a través-XXXIV Copa Deputación e do IX Cross de Reis Concello da Rúa-final comarcal escolar.
Ademais espérase unha ampla participación nas categorías base. Serán precisamente as probas dos atletas máis xoves as que encetarán o programa deste evento deportivo a partires das 10:45h. Esta competición será organizada pola Delegación Valdeorresa da Federación Galega de Atletismo (FGA) en colaboración co Club Adas e co Concello da Rúa.
Máis información na edición en papel do Periódico O Sil.