Emilio Araúxo presentará o seu novo libro en Parada de Sil

Leva por título “Libro da Ribeira Sacra [Cinsa do vento]” e o seu acto de presentación terá lugar o 1 de xuño na adega Ronsel do Sil

O escritor, filósofo, poeta e etnógrafo ourensán Emilio Araúxo vén de publicar un novo traballo no que pon o foco novamente sobre a Ribeira Sacra. Trátase de “Libro da Ribeira Sacra [Cinsa do vento]” cuxo acto de presentación está previsto para o vindeiro 1 de xuño na adega Ronsel do Sil en Sacardebois, no muncipio de Parada de Sil. Será a partires das 12h.

Este libro é ademais o terceiro volume da Biblioteca de Mesopotamia, un selo comunal promovido por Chan da Pólvora Editora co apoio dos concellos da zona da Ribeira Sacra, a Xunta, as Deputacións de Ourense e Lugo, a D.O. Ribeira Sacra, a Real Academia Galega, a Asociación de Escritores en Lingua Galega e a Fundación Uxío Novoneyra.