OurenseÚltima hora

Emilio Martínez-Lázaro, o Premio Cidade de Ourense no 19 OUFF

O acto de entrega tiña lugar nunha homenaxe celebrada no Teatro Principal da cidade, na que se proxectaba o seu filme “Ocho apellidos vascos”
O alcalde de Ourense, co director galardoado e coa concelleira de Cultura./ Foto: Daniel Gallego.
O alcalde de Ourense, co director galardoado e coa concelleira de Cultura./ Foto: Daniel Gallego.

A súa sinatura está detrás de longametraxes como “Las palabras de Max” (de 1978 e galardoada co Oso de Ouro do Festival de Berlín), “El otro lado de la cama” (2002), “Las 13 rosas” (2007) ou a recente e taquilleira “Ocho apellidos vascos”. O director de cine, productor e guionista madriñeo Emilio Martínez Lázaro recibía na tarde do 18 de novembro o Premio de Cidade de Ourense no Teatro Principal da cidade e no marco do 19 Festival Internacional de Cine de Ourense (OUFF).

Este galardón ten como eixo central “subliñar a traxectoria profesional dun cineasta de recoñecido prestixio. Por méritos propios, este ano, foi outorgado a Emilio Martínez-Lázaro adquirindo unha nova dimensión, porque ademais de ser un director de éxito, conseguiu encher cos seus traballo as salas de cine de medio mundo e sobre todo, nos últimos anos, tamén as españolas”, tal e como se indica dende o OUFF.

Na homenaxe contábase coa presenza de amigos do director, como é o caso do actor Jorge Sanz que dixo del que ”Emilio é unha belísima persoa coa que dá gusto traballar” facendo fincapé en que “é un enorme contador de historias e sempre confía ao cen por centro nos seus actores”. Pedro Olea, Premio Cidade de Ourense do pasado ano, tamén quixo mandar unhas palabras para Martínez-Lázaro a modo de felicitación.

No decurso do acto o alcalde de Ourense, Agustín Fernández, compartía cos asistentes a súa emoción pola homenaxe, declarando que para el “o día central do festival é hoxe, no que premiamos toda unha vida adicada ao cinema”. Tamén quixo comparar o traballo dos cineastas co dos alquimistas, ao considerar que “ambos mesturades todos os ingredientes e despois nos agasallades cos filmes”. Acto seguido e referíndose á película “Ocho apellidos vascos”, felicitaba ao director por “esta oda ao entendemento entre os pobos”, apostillando que obras así nos fan reflexionar e madurar, e por iso ao cinema se lle pode chamar “fábrica de soños e sétima arte”.

Emilio Martínez-Lázaro, tras recibir o Premio Cidade de Ourense./ Foto: Daniel Gallego.
Emilio Martínez-Lázaro, tras recibir o Premio Cidade de Ourense./ Foto: Daniel Gallego.

Pola súa banda, Martínez-Lázaro, respostaba ao agradecemento do Concello, do público e do festival, bromeando entre risas ao dicir que entende este premio como un “premio fin de carrera” que é moitísimo mellor que consideralo unha xubilación anticipada xa que “seguirá facendo películas ata que o boten”. Para finalizar, amosou o seu entusiasmo por poder ver de novo o filme rodeado co público ao ser esta a última vez que o ía facer. A homenaxe pechábase coa proxección desta película.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close