Galerías de fotosOurenseÚltima hora

Emotiva homenaxe a José Manuel Pérez Canal na asemblea anual da CEO

Na súa clausura entregábase ademais o primeiro premio que leva o nome deste empresario, presidente da confederación falecido o pasado ano

A Confederación Emprsesarial de Ourense (CEO) celebraba na tarde do 9 de maio a súa asemblea anual con oito puntos na orde do día, que resultaban aprobados. Entre eles estaban as contas do 2018, así como a proposta de orzamento para o 2019. Alejandro Cruz, vicepresidente da confederación, sinalaba xa na presentación do informe de xestión que se trataba dunha asemblea “atípica”, precisamente polo falecemento do seu presidente, José Manuel Pérez Canal, a finais do pasado ano.

A figura deste empresario ourensán estaba moi presente nesta reunión xa que no acto de clausura, que comezaba cun minuto de silencio na súa memoria. Despois entregábase o I Premio “José Manuel Pérez Canal” á exportación, instituído pola CEO coa colaboración da Consellería de Economía. Este galardón recaía na empresa “O Carballiño Frigoríficos Arcos, SL”, dedicada á elaboración e venda de pulpo a través da súa marca “A Pulpeira”. Unhas réplicas deste galardón eranlle entregadas tamén á familia de Pérez Canal.

Neste acto contábase ademais coa asistencia do presidente da Xunta de Galicia, Alberto Núñez; do presidente da CEOE, Antonio Garamendi; do conselleiro de Economía, Francisco Conde; do presidente da Deputación, Manuel Baltar; e do alcalde de Ourense, Xesús Vázquez, entre outras autoridades e personalidades da vida pública empresarial e social de Galicia.

Nas diferentes intervencións quedaba de manifesto a forte pegada deixada por Pérez Canal como empresario e como presidente da CEO.

Fotos: Carlos G. Hervella.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close