A multinacional norteamericana 20th Century Fox confía na industria ourensá para consolidarse en España. E faino a través da empresa Tendeus, especializada en comercio electrónico e con sede no Parque Tecnolóxico da Tecnópole. A firma local pasará a distribuír os seus contidos audiovisuais en España a través da plataforma online foxdirect.es. Os suscritores poderán gozar deste servizo a partires do vindeiro día 20.
Así, series como ‘The Simpsons’ ou ‘Homeland’ e filmes da talla de ‘Titanic’, ‘Avatar’ ou outros títulos máis recentes como ‘Deadpool’, forman parte da oferta de 20th Century Fox. En total, a empresa ouresná porá no mercado virtual máis de 3.000 títulos que se irán incrementando progresivamente.
Tendeus conta con experiencia no sector. A consultora especializada en novas tecnoloxías xa traballou na integración de plataformas como Amazon, eBay, Rakuten, El Corte Inglés ou Carrefour. En total, aporta o selo ourensán a máis de medio centear de plataformas de comercio electrónico.