Máis de 40 empresarios de toda Galicia participaban na tarde do 26 de xuño nun encontro en La Molinera (Ourense) con Javier Megías, CEO e cofundador de StartUpXplore (a plataforma premium de inversión en startups), unha actividade para analizar novas oportunidades de negocio e emprendemento na comunidade.
A actividade comezou cun almorzo de traballo baixo o nome de “A decisión entre ser rico ou rei”, orientada a emprendedores que buscan financiación para os seus proxectos. Megías compartiu a súa ampla experiencia coma inversor e profundizou nos aspectos que busca un inversor cando analiza un proxecto. Neste sentido asegurou que “o modelo de negocio e as persoas son os elementos máis destacados á hora de conseguir que un inversor deixe de selo e pase a ser un socio máis”.
O broche á xornada poñíao a Mesa de Traballo con empresarios galegos, orientada ás diferentes vías que teñen as corporacións para colaborar co ecosistema galego de emprendemento. Aí, Megías incidiu en que a inversión das corporacións nas startups pode xerar sinerxías e sinalou que “aínda que o ecosistema galego e novo, ten un enorme potencial para consolidarse como un dos principais ecosistemas do país, pero para iso resulta imprescindible a implicación das corporacións”.
Un dos puntos sinalados polos participantes foi o da necesidade de cambiar a percepción actual de Ourense e comezar a pensar nela a nivel autonómico como unha megacidade de 2,7 millóns de habitantes, con tres aeroportos y portos. Neste sentido, Javier Megías explicou que na actualidade o talento xa non se despraza aos centros industriais senón que, debido á deslocalización do traballo, busca un entorno no que exista unha boa calidade de vida e que iso é algo que pode ofrecer Ourense. Tamén deu conta do caso de Valencia, onde a xuventude deixou de apostar polas oposicións a querer seguir os novos modelos empresariais de éxito que hai no seu entorno.