As organizacións empresariais de Galicia, León, Asturias e Cantabria e as Cámaras de Comercio do Noroeste de España veñen de constituír a “Plataforma para o impulso da loxística do Noroeste” (Plataforma Noroeste), mediante a sinatura dos estatutos da asociación. O acto formal da sinatura de adhesión a este novo órgano, no que participaron os responsables das organizacións adheridas, tivo lugar no salón de plenos da Cámara de España.
A Plataforma Noroeste ten como finalidade fomentar o desenvolvemento económico e o emprego mediante o impulso das infraestruturas de transporte e dos servizos loxísticos que ofrezan as mellores perspectivas de sostenibilidade social, económica e medio ambiental. Para elo, solicitan ás administracións europeas, españolas e autonómicas “o recoñecemento da dimensión marítima do Corredor Atlántico e das Redes Transeuropeas do Transporte (RTE-T), de xeito que xunto a impulso das infraestruturas e dos servizos terrestres (estradas e, sobre todo, o ferrocarril), poténciense os portos e os accesos aos mesmos, as plataformas intermodais e os servizos portuarios que permitan o desenvolvemento de cadeas intermodais sostibles e eficientes”, segundo a declaración do recén constituído colectivo.
Potencial
Os territorios que constitúen a Plataforma representan en torno ao 10% da poboación, da superficie e do PIB de España e dispoñen dun gran potencial de intercambios co resto da Península Ibérica, coas rexións do Arco Atlántico e coas áreas económicas máis dinámicas de Europa e do mundo. Soamente na área do Arco Atlántico habitan 80 millóns de persoas ( o 25% da zona Euro), con 12 aglomeracións urbanas con máis dun millóns de habitantes, concentra o 30-40% do PIB da zona Euro e o PIB supera os dous billóns de euros, cifran dende esta nova organización.
Por esta, e por outras moitas razóns, a plataforma Noroeste decidiu “solicitar ao Goberno de España e á Comisión Europea que inclúan as conexións ferroviarias cos portos no trazado do Corredoiro Atlántico e que a migración do ancho de vía ibérico ao ancho estándar europeo realícese segundo a planificación ordenada, que comprenda o conxunto da Rede Ferroviaria de Interese Xeral e que non ille ás rexións periféricas do Noroeste ibérico do tráfico internacional”.
“Ourense debe de funcionar como nódulo central de comunicacións do Noroeste peninsular”
O presidente da Confederación de Empresarios de Ourense (CEO) mostrouse satisfeito ao finalizar o acto posto que “o cumprimento dos obxectivos acentuaría a Ourense como nódulo central de comunicacións do Noroeste peninsular”. Para o presidente isto é “un avance importante, xa que nos coloca co grupo de provincias do Noroeste que queren loitar por non seres esquecidas no mapa das infraestruturas, sobre todo terrestres e particularmente ferroviarias”. Pérez Canal sinalou que, “debido á nosa situación estratéxica, debemos de xogar un papel destacado no novo mapa das infraestruturas, xa que o plantexamento das organizacións empresariais agrupadas neste novo colectivo sitúanos na primeira liña das comunicacións do século XXI”. Finalmente, o presidente da CEO amosouse optimista sobre o paso dado afirmando que “estamos ante o embrión dunha plataforma empresarial de maior enxundia e volume na nos propoñemos xogar un papel activo en favor dos intereses de Ourense”.
