EconomíaEconomía

Empresarios valdeorreses reúnense co Igape

A xuntanza de traballo celebrada no Barco, xirou en torno á internacionalización

Co obxectivo de seguir avanzando na difusión da cultura da internancionalización entre pymes, para procurar que as exportacións galegas continúen crecendo nos próximos anos, o Igape achegaba ata O Barco de Valdeorras o “II Ciclo de reunións empresariais percorrendo a xeografía galega”.

Organizado en colaboración coa Asociación de Empresarios de Valdeorras AEVA, a reunión de traballo celebrábase na mañá do 8 de outubro na Casa Grande de Viloira, sendo o director de internancionalización do Igape, Abel Veiga, o encargado de abrir o turno de intervencións.

Veiga asegurou que “debémonos á pequena e mediana empresa” e que a Consellería de Economía e Industria “facilitará os servizos e os apoios máis axeitados a cada fase de internacionalización das empresas galegas a través dunha xanela única localizada no Igape que promoverá, ademais, a cooperación entre empresas e entidades como mellor fórmula para consolidar avances na proxección exterior do tecido produtivo”.

Para acadar estes obxectivos, resulta fundamental optimizar a coordinación dos esforzos con entidades como as confederacións e asociacións empresariais ou as cámaras de comercio, así como potenciar a cooperación entre empresas conformando consorcios de exportacións ou colaborando en proxectos agrupados como os apoiados a través do Igape.

Compartindo mesa co representante da Xunta, estiveron empresarios de Valdeorras do sector do viño como José Barros, xerente da adega Virxe de Galir e Rogelio Moral de Bodega Roandi, S.L. que falaron sa súa experiencia, así como Araceli Fernández de S.A.T. Godeval. Tamén asistiron a reunión a xerente de Acoval, Mª Carmen Rodríguez, representantes do sector financieiro (Banco Sabadell) e membros do Círculo de Empresarios de Galicia, entre outros.

Á reunión en Valdeorras, seguirán novas xornadas que se celebrarán en Carballo (15 de outubro), Boiro (22 de outubro), Foz (4 de novembro), Vilagarcía de Arousa (7 de novembro) e Ferrol (12 de novembro).

Máis información na vindeira edición en papel do Periódico O Sil.
Fotos: Carlos G. Hervella

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close