OurenseÚltima hora

En Defensa do Ensino Público estuda a convocatoria dunha folga xeral para outono

A plataforma anuncia en Ourense a súa intención de seguir coas protestas contra a Lomce e as reválidas en 4º da ESO e 2º de Bacharelato
Paula Carreiro, de UGT, e Borja Campo, de CC OO. // Foto: S.F.
Paula Carreiro, de UGT, e Borja Campo, de CC OO. // Foto: S.F.

A Plataforma En Defensa do Ensino Público anunciou esta mañá en Ourense a súa intención de continuar coas protestas contra a aplicación da Lomce, que este ano implanta a proba da reválida en 4º da ESO e en 2º de Bacharelato. Para iso, xa avanzou que estudan convocar unha folga xeral no ensino para o vindeiro outono, acompañada das primeiras mobilizacións a partires da segunda quincena de outubro e a primeira de novembro.

“É unha aberración”, definiu Borja Campo, responsable comarcal do sindicato CC OO. “Significa un filtro máis deste goberno de establecer unha ensinanza elitista”, engadiu, para denunciar a “nocturnidade e alevosía” coa que, segundo di, actuou o goberno estatal á hora de aprobar o chamado decreto da reválida.

Campo estivo acomañado de Paula Carreiro, como responsable de Ensino de UGT e ambos denunciaron a falta de información sobre o novo calendario. “Houbo rapaces que se matricularon en xullo sen saber aínda como sería a proba de acceso á universidade”, indicaron. Así, avanzan que seguirán mobilizándose en contra dunha lexislación que sacou “un goberno en funcións de xeito unilateral”.

De igual xeito, criticaron a reválida, o novo tipo de proba que se implanta este curso escolar e que, nalgúns cursos, vén a substituir a selectividade. “Os rapaces pasarán probas que implican dous cursos académicos e o profesorado non sabe nin que contidos entran, nin cando se paralizan as clases e as universidades tampouco teñen instruccións”, dixo Carreiro. “Son probas longas e tediosas que non van garantir o acceso á universidade”, engadiron.

Entenden tamén a dificultade actual de derogar esta lexislación pero manteñen as mobilizacións para concienciar sobre a necesidade de “facer unha lei edcuativa nova”.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close