PolíticaÚltima hora

En Marea pedirá novamente no Parlamento a retirada da liña de alta tensión que atravesa Manzaneda

Segundo o convenio asinado entre o Concello e REE, esta liña sería desmontada unha vez que entrase en funcionamento unha liña nova Trives-Aparecida, pero, destacan dende En Marea, non foi así
O alcalde de Manzaneda, Félix Domínguez, e o deputado de En Marea, Davide Rodríguez, baixo a liña de alta tensión que REE non quere retirar pese a terse comprometido a elo. Na visita tamén participou Xurxo Vázquez, concelleiro de Son Trives-En Marea.

Non é a primeira vez que se pide no Parlamento de Galicia a retirada da liña de alta tensión que atravesa o municipio ourensán de Manzaneda. Os deputados Davide Rodríguez e Pancho Casal, de En Marea, rexistraron xa varias iniciativas neste senso na Cámara galega. Nunha delas “o Parlamento de Galicia acordou reclamar a Red Eléctrica Española (REE) a retirada definitiva desta liña. No mesmo sentido, na interpelación realizada por En Marea ao director xeral de Enerxía da Xunta, Ángel Tahoces, este admitiu que o Concello tiña razón nas súas demandas e na esixencia do cumprimento do convenio”, recordan dende esta formación política.

En Marea volverá levar ao Parlamento de Galicia e ao Congreso o incumprimento por parte de REE do convenio asinado entre esta empresa e o Concello de Manzaneda no que estaba prevista a retirada dunha liña de alta tensión de máis de 9 quilómetros de longo. Segundo este convenio, esta liña sería desmontada unha vez que entrase en funcionamento unha liña nova Trives-Aparecida. “A liña nova entrou en funcionamento, pero a vella segue sen estar desmontada, pese ao compromiso firmado por parte de REE”, din dende En Marea. Será o deputado Davide Rodríguez quen rexistrará as novas iniciativas deste grupo no Parlamento galego.

Pola súa parte, o Concello de Manzaneda vén de anunciar que interporá unha denuncia contra REE polo incumprimento do convenio subscrito o 28 de setembro de 2009 con esta administración local e segundo o cal, unha vez posta en funcionamento a nova liña Trives – Aparecida a 440 KV, sería desmantelada a liña vella co Trives – Aparecida que funcionaba a 220 KV.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close