Dun xeito moi cómodo e a pé de río, dende mediados de xaneiro pode desfrutarse do sol no novo entarimado de madeira nas bancadas da zona da praia fluvial do Malecón, no Barco.
A execución e colocación deste entarimado, situado nas proximidades do Casino da vila, ten sido realizada a través do Obradoiro de emprego “Camiño de Inverno”. Eran xa moitas as persoas que durante a pasada fin de semana aproveitaban o sol deste inverno tan seco ao carón do Sil nesta zona remodelada recentemente.