En portada

Entre cantos de taberna, en Trives

Esta proposta musical e festiva, celébrase na tarde-noite do 28 de novembro, e será organizada pola Asociación Cultural A Caniceira
Participantes da edición dos Cantos de Taberna celebrada en Trives no pasado outono, na praza do Pilón./ Foto: Carlos G. Hervella.
Participantes da edición dos Cantos de Taberna celebrada en Trives no pasado outono, na praza do Pilón./ Foto: Carlos G. Hervella.

Ritmo, música e cánticos envolverán as rúas e os locais de hostalaría triveses na tarde-noite do 28 de novembro. A vila celebrará os seus IV Cantos de Taberna, unha iniciativa que promove a Asociación Cultural A Caniceira e que tivo nas súas anteriores edición un tremendo éxito. Todo indica que iso se repetirá de novo nesta ocasión na que teñen xa confirmada a súa participación nove grupos de diferentes puntos da provincia de Ourense e mesmo de Lugo. Trátase de Os Bertolini (Manzaneda), Macizas Centrais (Trives), Mamuxos (Ourense), Manzaneda Banda (Manzaneda), Os Diplomáticos do Orfeón (Trives), Pingalleomoco (Folgoso do Courel), Rondalla Esmorga e San Nordés (ambos de Trives) e o Son do Fiscaíño (O Barco, Trives, O Bolo e Viana).

Cartaz da cuarta edición dos Cantos de Taberna en Trives.
Cartaz da cuarta edición dos Cantos de Taberna en Trives.

O seu percorrido musical comezará ás oito da tarde dende a Praza do Pilón. A partir de aí dirixiranse aos trece establecementos hostaleiros triveses participantes nesta edición: Ardora, Bodegón, Boliche, O Cafeto, Cantina do 4, Casanova, Manolo’s, Pilón, Quintela, San Martín, Sky, Toral e Vigo-Madrid. Neles poderase desfrutar de música en directo, moi variada (dende a tradicional, pasando polo pop e ata boleros) e dun ambiente festivo.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close