ConcellosÚltima hora

Entre ladeiras de viñedos, restos de minería aurífera e castros en Éntoma (O Barco)

Unhas 15 persoas participaban na camiñata organizada pola Asociación da Ruta do Viño de Valdeorras

 

Ao longo de tres horas e media unhas quince persoas mergullábanse na mañá deste 16 de novembro na paisaxe vitivinícola de bancais, pero tamén no patrimonio arqueolóxico e na historia de Éntoma (O Barco). Participaban nunha camiñata de 11,6 km organizada pola Asociación da Ruta do Viño de Valdeorras.

O percorrido estaba deseñado por Víctor Fernández (Rutas Xanzá) e no seu decurso o arqueólogo vilamartinés Santiago Ferrer ía explicando os diferentes restos arqueolóxicos que podían verse como é o caso de explotacións auríferas romanas ou o castro do Xirimil, detallando como era o seu sistema defensivo, e falando de partes como a croa ou o antecastro. Tamén lles comentaba aos camiñantes a proximidade de Éntoma a unha importante calzada en época romana, a Via Nova, que conserva un espectacular tramo na Serra da Enciña da Lastra (Rubiá).

 

 

A ruta concluía cunha visita á Adega Roandi, onde os participantes degustaban tres viños acompañados de petiscos. Entre os asistentes á ruta había persoas estranxeiras, en concreto de países como Reino Unido, Estados Unidos e Romanía, segundo a organización.

Fotos: Asociación da Ruta do Viño de Valdeorras.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close