EconomíaEconomíaÚltima hora

Entre Ríos (Arxentina) será a sede de Termatalia 2020

A resolución dábase a coñecer esta mañá en Expourense, nun acto que contou coa asistencia do conselleiro de Cultura Román Rodríguez

O conselleiro de Cultura Román Rodríguez (centro) no acto desta mañá en Termatalia.

 

A provincia arxentina de Entre Ríos será a sede de Termatalia 2020. A resolución dábase a coñecer nesta mañá de 20 de setembro, no marco da 19ª edición da Feira Internacional de Turismo Termal, Saúde e Benestar, que se celebra en Expourense, nun acto que contou entre outros coa asistencia do conselleiro de Cultura Román Rodríguez e do presidente da Deputación, Manuel Baltar, quen destacou a importancia de Entre Ríos no ámbito do termalismo e os “estreitos e importantes lazos que unen a Ourense con Arxentina”.

Entre Ríos é a provincia arxentina que acumula maior cantidade de augas termais, con quince centros de termalismo que promoven o turismo de saúde, relax e benestar, distribuídos en trece localidades, unha relevancia que o presidente do goberno provincial uniu “ás moitas vinculacións históricas, culturais e sociais que temos con Arxentina e á infinidade de razóns que nos unen”, citando entre elas que a nai de José de San Martín, Gregoria Matorras, morreu en Ourense en 1813, onde está soterrada.

 

Román Rodríguez durante a súa intervención.

 

“É unha honra entregar hoxe a bandeira de Termatalia a Entre Ríos”, destacou Baltar, agradecendo “a toda a delegación desta provincia arxentina que estivese compartindo con nós, a dez mil quilómetros de distancia da súa terra, estas xornadas de traballo e promoción termal en Ourense, no ámbito de Termatalia. A nosa provincia e Expourense achegarán o apoio e o coñecemento para que Termatalia 2020 sexa un éxito, como ten acontecido nas anteriores edicións. Parabéns desde esta provincia termal á outra provincia termal, e unha mensaxe fraterna de cooperación en algo que nos une, entre outras moitas cousas, como é o termalismo”, expresou Manuel Baltar.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close