Tras percorrer os Sequeiros, o Concello de Trives propón, dentro do seu programa de verán, unha nova ruta de sendeirismo familiar de cara ao vindeiro martes 17 de xullo. “Camiñaremos cara Penalonga, aproximadamente 9 kilómetros (de dificultade baixa) entre viñedos, lagares, mesturando paisaxe e historia, con “lagares rupestres” e mesmo unha inscrición que nos levará ata o medievo”, adiantan dende o Concello de Trives. A saída está fixada para as 9 da mañá dende a Praza do Concello.
“Dende a Concellería de Turismo do Concello ofertamos estas rutas guiadas, de dificultade baixa, todos os martes dos meses de xullo e agosto co fin de dar a coñecer as nosas paisaxes e o patrimonio que nos rodea intentando chegar ao maior número de xente posible”, explican dende o Concello trivés.
