ConcellosGalerías de fotosÚltima hora

Entrega de diplomas e visita guiada como broche da xornada do Enbhiga en Trives

 

A primeira e intensa xornada do IV Encontro Bioceánico Hispánico de Gastronomía (Enbhiga) na provincia o 15 de outubro concluía pola noite en Trives. Tras asistir e participar no Hostal Restaurante A Viuda en elaboracións tradicionais desta zona, como a súa bica, os chefs, tour operadores e xornalistas especializados en gastronomía desta caravana degustaban diversos produtos de Valdeorras e Trives, como viños, embutidos e doces.

Seguidamente, en nome da organización do encontro (en mans de Cociña Ourense, representado polo seu presidente Miguel González, e do chef Anxo Trives), facía entrega dunha serie de diplomas ás empresas e produtores da zona participantes nos actos, así como aos chefs e demais membros da caravana, así como a Anxo Trives, como coordinador nos actos desta xornada inicial, á súa mai Clara e á súa irmá María polo seu apoio neste proxecto.

O programa completábase, xa de noite, cunha visita guiada polo casco antigo trivés, visitando os lugares máis emblemáticos da vila da man de Ana García Early: as prazas do Pilón e do Reloxo, os edificios do marquesado e do Casino… Ata chegar á praza do Concello, onde os asistentes subíanse ao autobús para descansar en diversos establecementos da comarca trivesa.

Fotos cedidas.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close