DeportesÚltima hora

Eros e Marcos, do Trevinca Barco, campións galegos de orientación

Os orientadores barquenses reinaron na categoría H-21A nas distancias sprint e media
Marcos Álvarez e Eros Mata no campionato.
Marcos Álvarez e Eros Mata no campionato.

Varios e importantes logros conseguía a delegación ourensá nos campionatos galegos de orientación celebrados o 13 de febreiro en Ferrol nas modalidades de distancia media (San Xurxo) e sprint (Caranza).

Por unha banda, Martín Morales (A.D. Limiactiva) alzábase coa 3ª posición na categoría elite na distancia sprint. E por outra, os novísimos Eros Mata e Marcos Álvarez (Peña Trevinca Barco) proclamábanse campións na categoría H-21A (sénior) na distancia sprint e na distancia media respectivamente. Entre as mulleres, Irene Morales conseguía a 2ª praza tanto na distancia media como na sprint (categoría F-21A, sénior).

Irene Morales e Marcos Álvarez entre os premiados.
Irene Morales e Marcos Álvarez entre os premiados.

Dende a Federación Galega de Orientación destacan asemade “a grande actuación nas categorías de formación”, con catro primeiros postos para Marcos Álvarez (Trevinca) en iniciación curta da distancia media; Martina Aller (Trevinca) en iniciación curta da sprint; Joao Morales (Limiactiva) en M-12 sprint; e Eros Mata (Trevinca) en M-21A sprint.

Tamén houbo catro segundos postos: Mailén Aller (Trevinca) en iniciación curta e Alba Osorio (Trevinca) en F-16, en distancia media; e Irene Morales (Limiactiva) en F-21A e Iago Trigo (Trevinca) en M-14, en sprint. Completan os resultados, cinco terceiros postos, un quinto, un sexto, dous sétimos e un décimo.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close