En portadaÚltima hora

España restablece controis nas fronteiras terrestres

Esta medida entrará en vigor ás 00 horas desta noite e prolongarase mentres dure o estado de alarma

Fronteira con Portugal pasando a Mezquita, na provincia de Ourense./ Foto: Carlos G. Hervella.

 

No marco das medidas de contención do COVID-19 o Goberno de España vén de decretar o restablecemento dos controis das fronteiras terrestres. “Esta medida entrará en vigor ás 00.00 horas desta noite e prolongarase mentres dure o estado de alarma”, segundo fixo público o Ministerio de Interior. “O obxectivo desta medida é protexer a saúde e seguridade dos ciudadáns e conter o coronavirus”, sinala este organismo.

Neste senso, concrétase que “a partir desta medianoite, só se permitirá a entrada no territorio nacional por vía terrestre a cidadáns españois; persoas residentes en España; traballadores transfronteirizos e aqueles que acrediten, documentalmente, causas de forza maior ou situación de necesidade”, segundo o ministerio.

A resolución sinala que esta restrición non se aplicará ao transporte de mercadorías “co fin de asegurar a continuidade da actividade económica e de preservar a cadea de abastecemento”. A medida tampouco afecta ao persoal estranxeiro acreditado como membro das misións diplomáticas, oficinas consulares e organismos internacionais sitos en España, sempre que se trate de desprazamentos vinculados ao desempeño de funcións oficiais”.

 

O ministro do Interior durante a videoconferencia cos ministros do Interior e de Sanidade do resto de países da Unión Europea.

 

Interior indica que deste xeito “actívase o artigo 28 do Código de Fronteiras Schengen, que permite restablecer temporalmente os controis nas fronteiras interiores en situacións como a actual”.

Esta mañá o ministro de Interior, Fernando Grande-Marlaska, participaba nunha reunión por medio de videoconferencia cos ministros do Interior e de Sanidade do resto de países da Unión Europea, onde anunciou a intención de España de reestablecer os controis nas súas fronteiras terrestres.

Durante o encontro Grande-Marlaska recalcou que ante a situación actual “hai que coordinar e harmonizar” as respostas no seo da UE e destacou a necesidade de manter e reforzar “os intercambios de información”.

 

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close