PolíticaSen categorizarÚltima hora

Espazo Común presenta a súa candidatura no Carballiño, liderada por Pachi Vázquez

O seu cabeza de lista asegura que se trata “dun gran equipo e un gran proxecto” para “relanzar” este concello ourensán
Pachi Vázquez durante a presentación da candidatura de Espazo Común no Carballiño.

Espazo Común presentaba na tarde do venres 3 de maio a súa candidatura á alcaldía do Carballiño de cara ás próximas eleccións municipais na emblemática Eira de Flores, lugar onde naceu esta vila. O acto desenvolvíase dun xeito participativo e nel o cabeza de lista, Pachi Vázquez, destacaba a necesidade de “relanzar O Carballiño cun gran equipo e cun gran proxecto”.

Esta formación política presenta ás locais unha candidatura “totalmente renovada” que se basea “nun gran proxecto para relanzar O Carballiño: dinamizar a economía, garantir a calidade de vida dos nosos veciños e acometer os importantes cambios estruturais que precisa a vila”, segundo Vázquez.

 

A candidatura de Espazo Común no Carballiño.

 

Nesta lista, Vázquez destacaba que hai ademais  “un reparto equilibrado de representación dos barrios e das parroquias contemplando a pluralidade do noso concello”. Dela forman parte profesionais sanitarios, representantes de traballadores, líderes de colectivos sociais e veciñais, xubilados e unha gran diversidade de perfiles sociais aos que, segundo resaltou Pachi Vázquez, “nos une que queremos ao noso pobo, ao Carballiño, e o compromiso de traballar polo seu desenvolvemento presente e futuro”.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close