O 24 de maio os cidadáns terán unha cita coas urnas que decidirá o mapa político local para os vindeiros catro anos. Co fin de dar a coñecer as diferentes opcións políticas que concurren a estes comicios o Periódico O Sil poñía na rúa hai xa uns días un monográfico de 72 páxinas que recolle aos candidatos que se presentan nos concellos de máis de 2.900 habitantes da provincia de Ourense, ademais de a todos os da parte oriental da provincia. Son uns 31 concellos e máis dun cento de cabezas de lista.
