Fieis á cita co Entroido, medio cento de amas de casa do Barco de Valdeorras, menbros da Asociación O Teixadal, asistían na tarde-noite do 23 de febreiro, á tradicional merenda de comadres a base de carne de porco e doces. Orella e lacón para comezar e doces variados (orellas, torta de roxóns,…) para continuar.
Non toda, pero algunhas das asistentas animaron o encontro cos seus vistosos disfraces (de Carapuchiña Vermella, de Super Man,…). E entre bocado e bocado, un groliño de viño para celebrar a primeira cita oficial do Entroido na comarca de Valdeorras: o Xoves de Comadres.
Fotos; Mónica G. Bellver
