Ata trece folións do oriente ourensán participaban na xuntanza organizada polos Labregos na tarde do 19 de febreiro

 

 

Boa parte das diferentes manifestacións sonoras do Entroido do oriente ourensán reuníanse na tarde do 19 de febreiro en Trives. Un total de trece folións participaban na XII+I Xuntanza que promovían Os Labregos. O desfile comezaba ás catro da tarde dende a Finca da Barreira. Abríao o folión anfitrión, cos seus Boteiros.

 

Tras el percorrían o centro trivés ata chegar á praza do Reloxo os Arrieiros (Petín), o de Buxán (O Bolo), A Lardeira (Trives), Queixa, Os Viticultores (Vilamartín), Vilariño de Conso, As Maceiras (Trives), A Veiga, Carracedo da Serra (A Gudiña), Fradelo (Viana do Bolo), Manzaneda e A Caniceira (Trives).

 

Numerosas persoas seguían o percorrido e congregábanse especialmente na praza do Pilón ou na praza do Reloxio. Tras o desfile, Os Labregos agasallaban aos folións visitantes cunha merenda no pavillón polideportivo.

 

Fotos: Ángeles Rodríguez