O Concello de Baños de Molgas ten deseñada unha ampla programación de actividades lúdicas para este mes de agosto que inclúe música, deporte e espectáculos infantis. Exemplo disto último é a visita de Peter Punk mañá, que trae á localidade ourensá o seu último espectáculo infantil “Peor Imposible”. Farao a partires das 20h no Parque Ansuiña.
Pero as actividades sucédense ao longo de todo o mes. O calendario queda como segue:
12 agosto:
– Concurso de pinchos, a partires das 20h.
13 e 14 de agosto:
– Torneo de subastado.
– Torneo de petanca.
14 de agosto:
– Campionato do mundo de ciclismo a partires das 11h.
– Obradoiro infantil, ás 17h, en Ponteambía, no local social O Cruceiro.
– Musical Rock, ás 23h, no Parque Ansuiña.
18 de agosto:
– Obradoiro infantil e xuvenil, ás 19h, en Vide, no Campo da Igrexa.
20 de agosto:
– Concentración coches antigos, de 15 a 17h na Estación de Ferrocarril.
– Fornada de pan na ribeira, ás 17h, en San Pedro de Ribeira.
21 de agosto:
-Torneo de fútbol sala, ás 11h.
26 de agosto:
– Volta ciclista a España, 7ª etapa Maceda-Puebla de Sanabria. A partir das 12h, Caravana de la Vuelta. Ás 13:50h paso previsto dos corredores por Molgas.
27 de agosto:
– Mini Olimpiada.
28 de agosto:
– Campeonato Galego de Fondo en Estrada “Master”, ás 10:30h.
Ademais das actividades puntuais, tamén se ofrecen outras semanais no recinto das piscinas municipais co seguinte horario:
– Luns: zumba (19h).
– Martes: ximnasia de mantemento (19h).
– Mércores: zumba e zumba kids (19h).
– Xoves: aquagym (20h).
– Venres: baile (19h).
– Sábado: patinaxe (11h) e pilates (19h).
