OurenseÚltima hora

Estabilizados o incendio de Chandrexa e o de Muíños, que afecta ao Parque Natural do Xurés

O lume forestal de Queixa leva queimadas unhas 50 hectáreas, segundo Medio Rural

Imaxe da superficie afectada polo lume en Chandrexa./ Foto: Brif Laza.

 

“Permanece estabilizado, e evoluciona favorablemente”, segundo a Consellería do Medio Rural, o incendio forestal que se iniciaba onte no municipio ourensán de Chandrexa de Queixa e que afecta, segundo as últimas estimacións, unha superficie de arredor de 50 hectáreas.

“Este lume levantouse durante a pasada noite debido ao forte vento rexistrado na zona. No seu control levan traballado 5 axentes, 30 brigadas, 4 motobombas, e pas, 13 helicópteros e 3 avións”, tal e como se indica dende Medio Rural.

Por outra banda, Medio Rural tamén informa dun lume forestal, xa estabilizado, no concello ourensán de Muíños, parroquia de Requiás, que afecta o Parque Natural do Xurés. O lume comezou esta tarde ás 16 h. e quedaba estabilizado ás 18,08 h.

“Rexistrou varios focos simultáneos en Portugal e Galicia. Segundo as últimas estimacións, afecta unha superficie de arredor de 4 hectáreas en territorio galego. Esta medición é provisional ata que se parametrice a superficie final afectada”, asegura Medio Rural.

No lugar mobilizáronse, por parte galega, 2 axentes, 7 brigadas, 2 motobombas, 2 helicópteros e 2 avións. Nos labores de extinción participan tamén medios portugueses.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close