CulturaCulturaÚltima hora

Este ano non haberá Xornadas de Folclore

Estaban programadas para o mes de agosto en 16 localidades da provincia entre as que estaban a Pobra de Trives, Viana do Bolo, O Barco de Valdeorras, Manzaneda e A Rúa, e quedan aprazadas ata 2021

As Xornadas de Folclore do 2019 no Barco. /Foto: Carlos G. Hervella.

 

Dada a situación provocada pola crise do Covid-19 e o risco que suporía o desenvolvemento desta actividade, na que participan 190 persoas de grupos folclóricos de catro continentes e máis de 40 da organización, a Deputación de Ourense tomou a decisión de aprazar ata 2021 as XXXVII Xornadas de Folclore que ían celebrarse do 10 ao 19 de agosto de 2020 en 16 localidades da provincia: Celanova, Pobra de Trives, Viana do Bolo, Allariz, Entrimo, O Barco, Manzaneda, Verín, O Carballiño, Xinzo de Limia, Castro Caldelas, A Rúa, Ourense, Bande, Maceda e Ribadavia.

A decisión, comunicada na mañá deste 5 de maio polo presidente do goberno provincial, Manuel Baltar, ao remate da reunión do Comité de seguimento do COVID-19 na provincia de Ourense, tómase despois de “dialogar co equipo do Centro de Cultura Popular Xaquín Lourenzo e co director artístico das xornadas, Xulio Fernández, que aconsellan que debido ao momento tan complicado que se está a vivir se suspenda a presente edición”, explica Baltar, engadindo que tamén se tivo en conta a opinión de Francisco Javier García Gómez, director do Centro Residencial Docente de Ourense -no que estaba previsto o aloxamento de 210 persoas, entre participantes e colaboradores da organización-, quen consideraba pouco idónea a convivencia deste grupo durante dez días en dito centro.

A Deputación de Ourense tamén decidiu que sexan os mesmos grupos confirmados para este ano -de Sudáfrica, Rusia, Corea, Arxentina, Irlanda do Norte e Taiwán- os convidados da vindeira edición, que se celebrará entre o 9 e o 18 de agosto 2021.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close