Dende o Club Atletismp Rúa téñeno xa todo preparado para celebrar a 4ª edición da súa proba máis esperada: o Gran Premio de Montaña previsto para o domingo 29 de setembro con tres modalidades: o trail de 33 km, o mini trail de 15 e a andaina accesible para todo o mundo, de 13.
Este ano, a saída e a meta estarán situadas na praza Enriqueta Casanova, en Fontei, e os primeiros en saír ás 9:15 horas serán os participantes no trai longo. Ás 9:30h. sairán os participantes na andaina e os últimos, ás 10h. serán os do trail curto.
As inscricións poden facerse na tenda TriSport da Rúa, em Foot on Mars do Barco e en Bicis y Deportes Chapi do Barco, ademais de on line en www.galitiming.com (ata o 26 de setembro). O prezo para o trail longo é de 19 euros para os non federados e de 16 para os federados. No caso do mini trail e da andaina o prezo é de 16 para os non federados e de 13 para os federados.
Entre as novidades desta edición, ademais de contar coa presenza de Esther Hernández “Pakitatrail”, a primeira muller na Transgrancanaria 360º 2019, está a inclusión dun tramo do percorrido do trail de 33 km. polo “Pico do Pote, en Roblido, con vistas espectaculares sobre o Sil, adiantan dende a organización, destacando que se trata dunha proba que pretenden potenciar “para poñer en valor os aspectos paisaxísticos e naturais do concello da Rúa”.