A Estación de Viticultura e Enoloxía de Galicia (Evega) impartía na mañá do 28 de xuño na Casa da Cultura de Alvarellos a xornada técnica “Previr e/ou curar. As enfermidades da madeira no viñedo a estudo”. O programa desta acción formativa comezaba ás nove da mañá e incluía catro ponencias presentadas por outros tanto expertos.
O primeiro en intervir era David Gramaje (Instituto das Ciencias da Vide e do Viño-ICVV Goberno da Rioxa), quen falaba sobre as “enfermidades da madeira na vide: problemática da planta nova”. De seguido, Jordi Luque (do IRTA da Generalitat de Catalunya) analizaba “as enfermidades da madeira na planta adulta”. Ademais Pedro Mansilla (da Estación Fitopatolóxica do Areeiro-Deputación de Pontevedra) centrábase na “epidemioloxía e etioloxía das enfermidades de madeira nos viños galegos” e Alfonso Ribas (secretario técnico do Ingacal) explicaba o proxecto “Winetwork”.
A xornada completábase cunha mesa redonda coa participación dos catro relatores e que foi moderada por Emilia Díaz, tecnóloga da Evega. A continuación procedíase ao acto de clausura ao que asistían o director da Evega, Juan Casares; o secretario técnico de Instituto Galego de Calidade Alimentaria (Ingacal); Alfonso Ribas; a presidenta do C.R.D.O. Monterrei, Asunción Rodríguez, e o alcalde e teniente de alcalde de Monterrei, José Luis Suárez e Delfín Boo.
Estas xornadas foron organizadas pola Evega en colaboración coa D.O. Monterrei, a Mancomunidade de Municipios da Comarca de Verín e Ingacal. Con elas búscase “transferir ao sector todos os avances no coñecemento científico e técnico que se ten hoxendía sobre las coñecidas como ‘enfermedades da madeira’, en relación á complexidade do seu desenvolvemento e as estratexias para o seu control co fin de conseguir un viñedo máis sostible no tempo”, segundo a organización.
Fotos cedidas polo CRDO Monterrei.
