OurenseÚltima hora

Estudantes de Finlandia, Hungría, Italia, Portugal e Estados Unidos participarán en diversas actividades do FIC Vía XIV de Verín

Un grupo de 20 alumnos que visitan o IES Xesús Taboada Chivite no marco do programa Erasmus + asistirán ao ciclo “As dúas caras do Sahara Occidental”

Presentación do programa Erasmus + no IES Xesús Taboada Chivite.

 

O FIC Vía XIV de Verín propiciará, nesta cuarta edición, o intercambio de experiencias e o fomento da formación en torno á cinematografía para alumnos de diversos países que visitarán a vila no marco do programa Erasmus +. Un grupo de 20 estudantes, procedente de países coma Finlandia, Hungría, Italia e Portugal, terá a oportunidade de visionar a programación integrada no marco da actividade paralela As dúas caras do Sahara Occidental, durante a mañá do xoves 5 de decembro na Casa da Cultura de Verín.

O grupo forma parte dun programa de intercambio estudantil co IES Xesús Taboada Chivite e visitará a vila do Támega na semana na que se celebre o certame. “Trátase de estudantes que participan nun programa da UE cuxo obxectivo é apoiar a educación, a formación e a actividade deportiva no continente”, sinala César Sánchez Pampín, director do centro que acolle aos estudantes.

Estes non serán os únicos estudantes estranxeiros que visiten Verín durante a semana do Festival Internacional de Curtas. Ata a vila tamén se achegarán dúas estudantes da Universidade de Clemson (USA) que formarán parte do grupo de traballo do certame.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close