Ethel Vázquez cubrirá o posto deixado por Agustín Hernández. Será a nova conselleira de Medio Ambiente, Territorio e Infraestruturas. O presidente da Xunta de Galicia, Alberto Núñez Feijóo, asinaba o 17 de xuño os decretos para o seu nomeamento. Tomaba posesión do cargo na mañá do 18 de xuño.
Nacida en Santiago de Compostela hai 41 anos, Ethel Vázquez Mourelle, é enxeñeira de Camiños, Canais e Portos pola Universidade da Coruña e desde setembro de 2010 directora da Axencia Galega de Infraestruturas (antes Dirección Xeral de Infraestruturas). Con anterioridade foi presidenta de Augas de Galicia e da EPOSH (maio 2009 – setembro 2010), organismo no que traballou desde o ano 2003.