Unha persoa ferida de consideración esta mañá no municipio de Verín ao caer da bicicleta que manexaba nas proximidades do Monte de Queirugás, tal e como informa o 112 Galicia.
A caída producíase nunha zona de difícil acceso e, para atender ao ciclista, foi necesaria a intervención dos servizos de emerxencia que o evacuaron ata un helicóptero medicalizado no que foi trasladado a un centro hospitalario, indica o 112
O 112 Galicia era alertado do suceso a través de Urxencias Sanitarias de Galicia-061 ao fío das 12:00 horas e, “decontado, desde Emerxencias 112 Galicia solicitouse a intervención dos Bombeiros de Verín, da Policía Local, da Agrupación de Voluntarios de Protección Civil da localidade e da Garda Civil”, segundo o 112 Galicia.