O helicóptero medicalizado con base en Ourense desprazábase esta tarde de 21 de xullo á Pobra de Trives para atender a un traballador que caeu por unhas escaleiras, segundo informa o 112 Galicia.
O accidente produciuse ás 16:30 horas desta tarde no lugar da Encomenda. Tras recibir o aviso, o persoal do Centro Integrado de Atención ás Emerxencias de Galicia alertou aos profesionais de Urxencias Sanitarias de Galicia-061, que acudiron a bordo do helicóptero. Ademais, contaron coa colaboración dos membros de Protección Civil de Trives, do GES de Castro Caldelas e dos axentes da Garda Civil.
