ConcellosÚltima hora

Exhibición de “pólvora” no marco da Feira de 1812 en Petín

A terceira edición desta feira celebrarase na vila valdeorresa os días 6, 7 e 8 de xuño
Un dos postos da pasada Festa de 1812 en Petín./ Foto: Carlos G. Hervella
Un dos postos da pasada Festa de 1812 en Petín./ Foto: Carlos G. Hervella

De novo da man da Asociación Cultural Fonte Grande, o pobo e os veciños de Petín prepáranse para regresar durante tres días a comezos do século XIX, cando as mulleres desta localidade valdeorresa ousaron facerlle fronte ás tropas francesas en plena invasión. Así, a segunda fin de semana de xuño (días 6, 7 e 8), as rúas do casco antigo de Petín vestiranse de gala para acoller a III edición da Feira de 1812, ano en que se constituían as Cortes de Cádiz.

As rúas Carreira, Fonte Grande, a praza da Veiguiña ou a rúa do Centro, entre outras, recrearán durante toda a fin de semana o ambiente de principios de século, en canto a oficios, artesáns, vida social, tradicións e vestiario. Haberá ferreiros, carpinteiros, cesteiros, palilleiras, postos de comida, de bebida, de doces, exposicións de radios, de bonsais… “Mantéñense os mesmos postos das edicións anteriores, rondando a corentena” explican dende a organización. A taberna tamén estará aberta durante os tres días, e pola noite contará con actuacións musicais de grupos da comarca.

Dende Fonte Grande avanzan que o pregón será o venres en torno ás sete da tarde e a partires de aí a inauguración oficial da feira que non pechará as portas ata pasadas as once da noite.

Texto: Mónica G. Bellver Foto: Carlos G. Hervella
Máis información na edición en papel do Periódico O Sil

Artigos relacionados

Deixa unha resposta

O teu enderezo electrónico non se publicará Os campos obrigatorios están marcados con *

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close