Reúne obras duns sete creadores e poderá visitarse ata o 25 de xaneiro no Casino do Barco
Obras plásticas de diferentes formatos e técnicas, pero tamén escultura. “Inner, Expo de Xóvenes Artistas” achega ao Barco unha selección de pezas de sete artistas alumnos de Belas Artes en Pontevedra: Alex Fuertes, Alba Matilla, Guille Coni-Molina, Bárbara Martínez, Luisa Galbán, Constanza Ferrada e Carla Castro.
Esta exposición, que se inauguraba o 2 de xaneiro no segundo andar do Casino do Barco, está comisariada pola valdeorresa Alba Nogueira. Permanecerá aberta ao público ata o vindeiro 25 de xaneiro.
Fotos: Carlos G. Hervella.