Exposición fotográfica no Centro Cultural Marcos Valcárcel de Ourense

Dende o 15 de xaneiro e ata o 14 de febreiro, o Centro Cultural Marcos Valcárcel de Ourense acollerá a exposición “La Naturaleza en Blanco y Negro”.

Trátase da proposta fotográfica de sete autores que abordan a temática natural dende ópticas diferentes. Co medio rural como fío condutor, as fotografías da mostra van dende o conceptual ata tomas moi próximas á reportaxe gráfica, todas en branco e negro “moi coidadas, dando como resultado unha exposición interesante e diversa”, aseguran dende a organización.